དྲ་བ་འདིར་གཟིགས་པར་རྒྱུད་ཁོངས་མ་ལག་windows 7 ཡིན་པ་ལས  windows xp ལས་སྒྲིག་གཞི་ཅ་དག་པོ་ཞིག་མཐོང་མི་ཐུབ་པ་འདྲ།

       གསལ་བསྒྲགས།        མིག་སྔར་དྲ་གྲོགས་འགའི་རེ་བ་ལ།       རྩིས་འཁོར་གྱི་རྒྱུན་སྤྱོད་ཤེས་བྱའི་ཐད་ཀྱི་བརྙན་ཟློས་སློབ་ཁྲིད་རེ་བཟོ་རོགས་བྱོས་ཟེར།    འདིའི་སྐོར་ལ་ངས་ཀྱང་སྔོན་ཆད་བསམ་བློ་གཏོང་མྱོང་།  ཡིན་ནའང་བོད་རང་ལ་སྤྱི་སྐད་ཅིག་མེད་པས་དཀའ་ཁག་ཆེན་པོ་འདུག།  གལ་སྲིད་ངས་ཨམ་སྐད་ཀྱིས་སློབ་ཁྲིད་བྱེད་ཁུལ་བགྱིད་ན་དབུས་གཙང་གི་གྲོགས་པོ་ཚོས་གོ་མི་ཐུབ་ལ།ཡང་ཁམས་སྐད་སྤྱོད་པའི་གྲོགས་པོ་ཚོས་ཀྱང་གོ་དཀའ།   གལ་སྲིད་དབུས་སྐད་ཡིན་པའི་དབང་དུ་བྱས་ན་ཡང་དེ་བཞིན་རེད།    དེ་བས་འདིའི་སྐོར་ལ་ངས་ཐབས་ཤེས་ལེགས་པོ་ཞིག་མ་རྙེད།    གལ་ཏེ་གྲོགས་པོ་ཚོར་དགོས་མཁོ་ཤིན་ཏུ་ཆེ་ན་ང་ལ་དྲ་ཚིགས་འདིར་ཕྱོགས་གང་གི་སྐོར་གྱི་སློབ་ཁྲིད་དང་།   རྣམ་པ་ཅི་ལྟར་ཡིན་པའི་སྐད་རེ་སྐྱུར་དང་ངས་རང་ནུས་ཀྱིས་དེ་ལྟར་བཟོ་ཁུལ་བྱས་ཆོག།    དྲང་མོར་བཤད་ན།  ཁྱོད་ཀྱི་སྙིང་གཏམ་ལྟ་བུའི་ཡིག་འཕྲིན་དེ་དང་སྐད་ཆ་དེ་ནི་ངའི་ནམ་ཡང་འགུལ་ཤུགས་ཡིན།   འོན་ཀྱང་ཕྱིའི་གྲོགས་པོ་འགའ་རེས་བོད་དབྱིན་གྱིས་སྒོ་ནས་རྩོམ་ཡིག་རེ་གཉིས་བྲི་རོགས་བྱོས་ཟེར།   འོན་ཏེ།   ངས་དབྱིན་ཡིག་ལེགས་པོ་ཞིག་མི་ཤེས་པས་ཐུགས་རྒྱལ་མ་བཞེངས།     

       དེ་རིང་ངས་གྲོགས་པོ་ཚོར་འདིར་ཚོད་ལྟའི་ཚུལ་དུ་བརྙན་ཟློས་རང་བཞིན་གྱི་སློབ་ཁྲིད་ཅིག་བརྙན་དུ་ཕབ་ནས་བཀོད་ཡོད།    གལ་སྲིད་ཁྱོད་ལ་སྤྲོ་བ་ཡོད་ན་ཕབ་ལེན་བྱས་ནས་ལྟོས་ཆོག།  འོན་ཀྱང་བརྙན་ཟློས་འདི་ནི་ཚོད་ལྟའི་རང་བཞིན་རྐྱང་རྐྱང་ཡིན་པས་ཁྱོད་ལ་དོགས་མི་བདེ་བ་བཟོ་སྲིད་མོད་ཁྱོས་ཀྱིས་ལྟོས་རྗེས་བརྗེད་དུ་འཇུག་རོགས། 

     གཞན།   མ་འོངས་པར་ཁོ་བོས་བརྙན་ཟློས་རང་བཞིན་གྱི་སློབ་ཁྲིད་འགའ་རེ་དྲ་ཚིགས་འདིར་བཀོད་རྒྱུ་ཡིན་ལ།    གལ་སྲིད་ཁྱོད་ལ་སྤྲོ་བ་ཡོད་ན༼སློབ་ཁྲིད༽ཞེས་པའི་ལེ་ཚན་དེ་རུ་སོང་ནས་ཕབ་ལེན་བྱེད་ཆོག   

ནང་དོན།  སྒྲོག་ངོས་རྟགས་རིས་ཀྱི་མིང་བྱང་བོད་ཡིག་གིས་ཚད་ལྡན་བཟོ་ཐབས།

རྣམ་པ།    swf

སྐད་གདངས།    ཨམ་སྐད། 

བེད་སྤྱོད་བྱེད་སྟངས།    KMPlayer སོགས་བརྙན་ཟློས་གཏོང་ཆས་ཀྱི་མཉེན་ཆས་གང་རུང་།

སློབ་ཁྲིད་བྱེད་མཁན།     ཡུན་སེང་འབྲུག

ཕབ་ལེན་བྱེད་གནས།      http://115.com/file/dn1a0r6c